Skip to main content
Yearly Archives

2010

Tilboð fyrir félagsmenn

By Fréttir, Uncategorized

N1 býður félagsmönnum Hlífar  eftirfarandi tilboð:

Eldsneyti, alls  6 króna afsláttur:

  • 4 kr af DÆLUVERÐI
  • 2 kr í formi safnkortspunkta

Bíla og rekstrarvörur:

  • Sjá lista
  • + 3% í punktum

Til að nýta sér afsláttinn verða félagsmenn að greiða með  viðskiptakorti eða greiðslulykli.

Sótt er um á www.n1.is hópanúmer 379

Ef félagsmenn eiga lykil eða viðskiptakort fyrir,

senda  þá línu á n1@n1.is með kennitölu og kjör viðkomandi  verða uppfærð .

Viðskiptakort =  mánaðarreikningur hægt að skuldfæra mánaðarlega á kreditkort

Greiðslulykill = hver færsla út af  deb/kred korti , verðið lækkar við dæluna.


Afsláttaflokkar

Vöruflokkar

Bremsur

17%

Bílaperur

15%

Síur

27%

Rafgeymar

15%

Aukahlutir f/bíla

17%

Demparar

15%

Kúpling

15%

Kveikjuhlutir/kerti

15%

Kælikerfi/Vatnsdælur/vatnslásar ofl

15%

Ljósabúnaður

15%

Mottur í bíla

12%

Ferða og útivistavörur

9%

Gasáfylling

17%

Púst

7%

Startarar/alternatorar/rofar ofl íhlutir

9%

Rafmagnshlutir/startkaplar/pólskór/starttæki

9%

Talstöðvar/spennubreytra/dvd/hátalarar

7%

Viftureimar/tímareimar

7%

Stýrishlutir

7%

Sætaáklæði

12%

Bón og hreinsivörur

17%

Frostlögur

12%

Fyllingarefni/lakkvörur/Kítti

7-12%

Olíuhreinsir/ýmsar sápur og hreinsiefni

7-12%

Felgur

7%

Hjólbarðar fólksbílar

7-9%

Hjólbarðar sendibílar/vörubílar

7-9%

Vinna við hjólbarða/geymsla og smurþjónustu

9%

Smurolíur

12%

Handverkf./rafmagnsverkf./ýmsar rekstrarvörur

2-12%

Rafhlöður

17%

Vinnufatnaður/skór

12%

pappírsvörur

12%

Afsláttur af Nítró vörum(ekki vélhjólum)

10%

 

Tunnumótmælin vöktu ríkisstjórnina

By Fréttir, Uncategorized

Tónlistarmaðurinn Hjörtur Howser hefur fengið að kenna á kreppunni á eigin skinni, því fyrir skemmstu missti hann húsið vegna stökkbreyttra skulda. Hann var nokkuð áberandi í tunnumótmælunum í haust sem haldin voru undir stefnuræðu forsætisráðherra fyrir utan Alþingishúsið. Þá hljóp hann undir bagga með skipuleggjendum þegar átta þúsund manns mótmæltu og kröfðust aðgerða stjórnvalda.

“Þetta þjappaði fólki saman og kannski eru mótmælin ólík búsáhaldabyltingunni að því leyti að þarna sáum við andlit almennings. Þetta var fólk á öllum aldri, úr öllum stéttum og af ólíkum uppruna sem mótmælti og það sem gerðist var að ríkisstjórnin vaknaði af Þyrnirósarsvefninum.”

Tunnumótmælin fóru fram á ýmsum stöðum í haust, meðal annars við Landsbankann, Stjórnarráðið og Nordica Hilton hótelið þegar ársfundur ASÍ fór þar fram.

“Stjórnvöld gera sér ekki grein fyrir því hversu alvarleg staðan er. Þúsundir hætta að greiða af lánum og fara jafnvel úr landi ef ekkert verður að gert. Þjóðfélagið getur ekki virkað án þessa hóps,” segir Hjörtur.

Hann telur að fjölmiðlar og ráðamenn eigi stóran þátt í því þeim neikvæðu viðhorfum sem lánþegar mæta. Neikvætt orðaval í fjölmiðlum hafi haft mjög slæm áhrif; “Allt í einu eru lánþegar orðnir skuldarar og óreiðufólk sem er ábyrgt fyrir því hvernig komið er fyrir þjóðfélaginu. Þarna er blæbrigðamunur á orðavali sem hefur mikil áhrif. Af hverju heitir þetta ekki umboðsmaður lánþega en ekki skuldara?”

Hjörtur segist ekki vera atvinnulaus, heldur atvinnuleitandi. Ekki skuldari, heldur lánþegi. En hann telur mikilvægt að menn skorist ekki undan ábyrgð við þessar aðstæður. “Við erum bara ein þjóð Íslendingar. Þetta hrun bitnar á okkur öllum, það er enginn stikkfrí.”

 

 

Aðgerðir ríkisstjórnarinnar vegna skuldavanda heimilanna

By Fréttir, Uncategorized

Eftirstöðvar skulda færðar niður í 110%.

Ríkisstjórnin hefur boðað til sérstakra aðgerða vegna skulda og greiðsluvanda heimila og voru niðurstöðurnar kynntar á blaðamannafundi 3. desember síðastliðnum. Aðgerðirnar eru taldar ná til um 60 þúsund heimila, en 72 þúsund heimili eða einstaklingar eru með íbuðaskuldir hér á landi.

Lántakendum í greiðsluvanda með yfirveðsett heimili býðst að fá eftirstöðvar skulda færðar niður í 110% af verðmæti eigna. Þannig getur niðurfærsla einstaklings orðið 4 milljónir en 7 milljónir hjá sambýlisfólki, hjónum og einstæðum foreldrum. Sé þörf fyrir frekari niðurfærslu þarf að fara fram ítarlegt mat á eignum og verðmætum viðkomandi og getur niðurfærslan þá orðið 15 milljónir hjá einstaklingi eða 30 milljónir hjá einstæðum foreldrum eða sambúðarfólki.

Sértæk skuldaaðlögun mun ná til fleiri aðila en hingað til samkvæmt yfirlýsingu ríkisstjórnarinnar. Lántakendum í miklum greiðsluvanda býðst að færa lán niður í allt að 70% af verðmæti íbúðarhúsnæðis í samræmi við greiðslugetu. Allt að 30% af virði eignar er þá sett á vaxta- og afborgunarlaust biðlán í 3 ár og skuldir umfram 100% felldar niður.

Breytingar verða gerðar á almennum vaxtabótum til að koma meira til móts við heimili með lág laun. Tímabundin vaxtaniðurfærsla er einnig hluti af aðgerðunum. Gert er ráð fyrir að vaxtabætur muni koma til greiðslu ársfjórðungslega. Útgjöld vegna þessa nema um 6 milljörðum króna á ári næstu tvö árin og munu lífeyrissjóðirnir fjármagna útgjöldin.

Í viljayfirlýsingu ríkisstjórnarinnar er gert ráð fyrir að sjálfskuldarábyrgð ábyrgðarmanns umfram eignastöðu verði felld niður og ekki gengið að lánsveði á meðan á sértækri skuldaaðlögun stendur.

Þá munu lífeyrissjóðir greiða fyrir félagslegum úrræðum í húsnæðismálum með kaupum á íbúðabréfum hjá Íbúðalánasjóði til að endurfjármagna útistandandi félagsleg leiguíbúðarlán og fjármagna búseturéttarkerfi.

Viðræður ríkisstjórnarinnar, bankanna og lífeyrissjóðanna höfðu staðið linnulaust í þrjár vikur áður en samkomulag um aðgerðirnar náðist. “Þær voru strangar, erfiðar og stundum stormasamar,” sagði Jóhanna Sigurðardóttir, forsætisráðherra, þegar aðgerðirnar voru kynntar í Þjóðmenningarhúsinu.

Translate »