Skip to main content
Category

Tilkynning-1

Tímaskráningarkerfið Curio App er nú tengt launareikni SGS, félagsmönnum Hlífar að kostnaðarlausu.

By Tilkynning-1

Félagsmenn Hlífar geta nú skráð sig fyrir ókeypis tímaskráningar „appi“ sem getur sent tímaskráningu skv. reiknireglum og kjarasamningum í launareiknivél SGS.

Með einum smelli sendir Curio App skráðar vinnustundir inn í reiknivél SGS og getur félagsmaður skoðað launaútreikning sinn í farsíma sínum í lok mánaðar og borið saman útborguð laun og launaútreikning reiknivélar.

Sækja forrit
Read More

Hvetjum til rafrænna samskipta

By Tilkynning-1

Í ljósi tilmæla sóttvarnaryfirvalda hvetjum við þá félagsmenn sem eiga erindi við skrifstofuna til að hringja, senda tölvupóst eða hafa samband í gegnum Facebooksíðu félagsins frekar en að mæta á staðinn, sé þess nokkur kostur.

Þeir sem eiga bókað sumarhús eru hvattir til að fylgja sóttvarnarreglum til hins ítrasta og virða fjöldatakmarkanir. Hyggist félagsmaður ekki nýta bókunina vegna tilmæla almannavarna, er hann beðinn að hafa samband við skrifstofuna varðandi endurgreiðslu.

Áríðandi vegna félagsmannasjóðs

By Fréttir, Tilkynning-1

Uppfært!!

Nokkuð hefur borið á því að félagsmenn hafi ekki fengið greiðslu 1. febrúar. Skýringuna er að finna í tæknilegu vandamáli hjá þeim sem halda utan um sjóðinn. Unnið er að úrbótum. Þeir sem telja sig hafa átt að fá greitt um mánaðamótin – en fengu ekki – eru hvattir til að senda tölvupóst á gra@hlif.is.

Allir félagsmenn í Vlf. Hlíf (ásamt öðrum félögum SGS) – sem starfa eða störfuðu hjá sveitarfélagi á tímabilinu frá 1. febrúar 2020 til 31. desember 2020 eiga að fá greitt úr félagsmannasjóði 1. febrúar nk. Þetta gildir líka um þá sem vinna hjá Hjallastefnunni og sjálfstæðum skólum og starfa eftir kjarasamningi Hlífar við sveitarfélögin.

Vinsamlega hringdu á skrifstofu Hlífar ef þú þarft frekari upplýsingar.

Skrifstofan er lokuð – en samt opin

By Fréttir, Tilkynning-1

Vegna tilmæla sóttvarnaryfirvalda höfum við lokað fyrir heimsóknir á skrifstofuna. Við sinnum samt öllum erindum í síma og í gegnum tölvupóst.

Hægt er að fylla út allar umsóknir – um styrki sjúkrasjóðs og fræðslusjóðs á tölvutækum eyðublöðum og senda í tölvupósti á hlif@hlif.is – ásamt afriti af kvittunum.

Lyklar að sumarhúsum eru afhentir á skrifstofunni milli kl. 14:00 og 16:00 á föstudögum – eða eftir samkomulagi.

Síminn er 510 0800

Bein netföng starfsfólks er að finna hér:

Translate »