FréttirUncategorized

NÝR KJARASAMNINGUR VIÐ SAMBAND ÍSLENSKRA SVEITARFÉLAGA

By 20.11.2015 apríl 12th, 2019 No Comments

Skrifað var undir nýjan kjarasamning við Samband íslenskra sveitarfélaga föstudagskvöldið 20. nóvember. Samningurinn gildir afturvirkt frá 1. maí 2015 til 31. mars 2019. Samningurinn felur í sér eftirfarandi launabreytingar:       

  • Við upphaf samnings eða 1. maí 2015 hækka launataxtar um 25.000 kr. en að lágmarki um 7,7%  
  • Þann 1. júní 2016 hækka launataxtar um 15.000 kr. en að lágmarki um 5,5%.Þann 1. júní 2017 kemur inn ný launatafla þar sem bil á milli launaflokka verður leiðrétt í 1,1% á milli flokka, til samræmis við þá niðurstöðu sem samið var um 1. maí 2014.
  • Þann 1. júní 2018 hækka launataxtar um 2%.
  •  Sérstök eingreiðsla kemur 1. febrúar 2019 að upphæð kr. 42.500, miðað við þá sem eru í fullu starfi í desember 2018 og enn í starfi í janúar 2019.  Greitt er hlutfallslega fyrir þá sem eru í hlutastarfi.
  • Tekjutryggingin hækkar um 86.000 kr. á samningstímanum og verður komin í 300.000 kr. 1. maí 2018.

Þá hækkar desemberuppbót um rétt innan við 21% á samningstímanum og fer í 113.000 kr. í lok samnings og orlofsuppbætur um 21,5% verða 48.000 kr í lok samningstímans.

Atkvæðagreiðsla hefst 26. nóvember og atkvæði þurfa að hafa borist fyrir þriðjudaginn 11. desember nk. kl. 12.00 en síðar þann dag verður niðurstaðan kynnt.

Hægt er sjá samninginn í heild sinni hér….