Félagsmenn Hlífar geta nú skráð sig fyrir ókeypis tímaskráningar “appi” sem getur sent tímaskráningu skv. reiknireglum og kjarasamningum í launareiknivél SGS.
Með því að svara nokkrum spurningum á skráningarsíðu þá er hægt að hala niður Curio App tímaskráningaappinu og byrja að skrá vinnustundir í farsíma. Eftir að viðvera hefur verið skráð í appið er hægt að athuga hvort laun og aðrar greiðslur séu í samræmi við kjarasamninga SGS.
Með einum smelli sendir Curio App skráðar vinnustundir inn í reiknivél SGS og getur félagsmaður skoðað launaútreikning sinn í farsíma sínum í lok mánaðar og borið saman útborguð laun og launaútreikning reiknivélar.
Appið er ætlað þeim sem vinna dagvinnu á tímalaunum en passar ekki fyrir þá sem eru á föstum mánaðarlaunum óháð tímaskráningarskyldu.
Appið er knúið áfram af Curio Time sem er íslenskt tíma- og viðverukerfi
Fáanlegt fyrir bæði IOS og Android snjallsíma
Smelltu til að skrá þig!
Sjá nánari leiðbeiningar um skráningarsíðu og appið hér