Félagar í Hlíf eru aðilar að ýmsum starfsmenntasjóðum sem samið hefur verið um í kjarasamningum.

Hvaða sjóði hver félagsmaður hefur aðgang að, fer eftir því hvar hann starfar og eftir hvaða kjarasamningi hann fær laun. Markmið starfsmenntasjóðanna er að auðvelda félagsmönnum fjárhagslega að stunda sí- og endurmenntun. Hér er ekki eingöngu átt við hefðbundið nám heldur einnig ýmis styttri námskeið og í sumum tilvikum einnig tómstundanám.

Verkalýðsfélagið Hlíf sér um umsýslu einstaklingsstyrkja fyrir alla sjóðina. Félagsmaðurinn sækir um styrkinn til félagsins, sem afgreiðir hann til félagsmannsins.

Til viðbótar við styrki til einstaklinga, veita Starfsafl og Flóamennt styrki til fyrirtækja og stofnana. Um þá gilda sérstakar reglur og er sótt um þá til sjóðanna sjálfra. Reglur og umsóknareyðublöð vegna einstaklingsstyrkja og styrkja fyrir stofnanir og fyrirtæki, er að finna hér að neðan.

 

Starfsafl er starfsmenntasjóður Flóabandalagsins og Samtaka atvinnulífsins. Sjóðurinn hefur það að markmiði að byggja upp og efla starfs- og símenntun, starfsfólki og fyrirtækjum til hagsbóta.

Reglur um einstaklingsstyrki

Sótt er um einstaklingsstyrk með því að fylla út eyðublaðið hér á vefnum, prenta útfyllt eyðublað út og koma því, ásamt frumriti reiknings eða greiðsluseðili á skrifstofu Hlífar. Með útfyllingu umsóknar samþykkir umsækjandi vinnslu persónuupplýsinga um sig af hálfu skrifstofunnar, þ.e. uppflettingu í félagsskrá, skráningu umsóknarinnar, niðurstöðu hennar og upphæð greiðslunnar og eftir atvikum umfjöllun um umsóknina í fræðslusjóði.

Umsóknareyðublað

Fyrirtæki greiða starfsmenntaiðgjald í starfsmenntasjóði (t.d. Starfsafl) og geta sótt um styrki til námskeiðahalds fyrir starfsmenn sína. Einnig geta fyrirtæki fengið fræðslustjóra að láni inn í fyrirtækið og styrki til eigin fræðslu. Styrkir og upphæð þeirra fara eftir stéttarfélagsaðild starfsmanna.
Frekari upplýsingar er að finna á vef Starfsafls

 

alt

Flóamennt er starfsmenntasjóður Hlífar, Eflingar og VSFK, fyrir þá starfsmenn sem starfa hjá ríkinu og á hjúkrunarheimilum.  Sjóðurinn hefur það að markmiði annars vegar að efla starfs- og símenntun starfsmanna og hins vegar að auka möguleika stofnana á að þróa starfssvið sitt.

Reglur um úthlutun einstaklingsstyrkja

Þar kemur fram upphæð styrkja og hvernig maður öðlast rétt til styrks.  Starfsmenn ríkisins og á dvalar- og hjúkrunarheimilum s.s. Sólvangi, Hrafnistu, Heilsugæslunni ásamt Vegagerðinni o.fl. geta sótt í þennan sjóð.

Umsóknareyðublað fyrir einstaklingsstyrki. Eyðublaðið þarf að prenta út, fylla út og skila á skrifstofu Hlífar.

Reglur um styrki fyrir stofnanir

Umsóknareyðublað fyrir stofnanir.

Námskeiðssjóður Hlífar

Námskeiðssjóður Hlífar er fyrir starfsmenn sem starfa hjá Hafnarfjarðarbæ og Garðabæ og hjá skólum í Samtökum sjálfstæðra skóla (SSSK).

Reglur um úthlutun einstaklingsstyrkja.

Umsóknareyðublað vegna einstaklingsstyrkja.

Umsókn þarf að koma útfylltri á skrifstofu Hlífar, ásamt löggiltri greiðslukvittun og staðfestingu á að náminu/námskeiðinu sé lokið.