Skip to main content

Sveitarfélögin setja almennt starfsfólk áfram til hliðar

By 28.08.2019september 11th, 2019Fréttir
Athugið, þessi grein er meira en ársgömul.

Viðræðunefnd Starfsgreinasambandsins og Eflingar fundaði með samninganefnd Sambands sveitarfélaga í morgun. Þar var farið fram á það við sveitarfélögin að þau greiddu 105 þúsund króna eingreiðslu inn á væntanleganlegan kjarasamning um mánaðamótin, líkt og ríki og Reykjavíkurborg hafa gert og sveitarfélögin við alla aðra en félagsmenn í Starfsgreinasambandinu.

Samninganefnd Sambandsins hafnaði þessari málaleitan, þrátt fyrir að það sem sveitarfélögin sögðu að stæði í vegi fyrir því að þau greiddu innágreiðsluna sé komið í annan farveg, þ.e. til úrskurðar hjá Félagsdómi.

Það er ljóst að þessi óskiljanlega afstaða samninganefndar sambandsins mun ekki auðvelda samningagerðina. Hugur Hlífarfélaga og félaga í öðrum SGS félögum til forsvarsmanna sveitarfélaganna er þungur fyrir og mun ekki mildast við þessi undarlegu viðbrögð Sambandsins.

Translate »