Atkvæði voru í dag talin í atkvæðagreiðslu Flóafélaganna, Hlífar, Eflingar og VSFK um samkomulag um breytingar og framlengingu á kjarasamningi við Samtök fyrirtækja í velferðaþjónustu sem undirritað var þann 8. maí sl. Samkomulagið var samþykkt með yfirgnæfandi meirihluta greiddra atkvæða eða um 87.5% atkvæða. Þetta þýðir að kjarasamningur er kominn á milli aðila og er afturvirkur frá 1. mars sl. og gildir til 30. apríl 2015.
Niðurstöður atkvæðagreiðslunnar voru eftirfarandi:
Já sögðu 351 eða 87.5% þeirra sem atkvæði greiddu
Nei sögðu 47 eða 11,7%
Auðir seðlar og ógildir voru 3 eða 0,8%
Samkvæmt þessum tölum er samkomulagið samþykkt.
Á kjörskrá voru alls 1674 félagsmenn. Atkvæði greiddu 401 eða 24%.